Мемлекеттік қызметтер азаматтардың өмірінде маңызды рөл атқарады, және олардың сапасы халықтың мемлекеттік органдарға деген сеніміне тікелей әсер етеді. Кейбір жағдайларда мемлекеттік қызметтерді көрсету барысында азаматтардың құқықтары бұзылуы мүмкін. Мұндай жағдайда азаматтар өздерінің құқықтарын қорғау үшін түрлі платформалар арқылы шағым немесе өтініш беруге құқылы. Мысалы, қазіргі таңда шағымды e-otinish порталы мен Телеграм-бот арқылы да жіберуге болады. Технологиялардың дамуы жаңа мүмкіндіктер ашып, азаматтарға өз құқықтарын қорғауға арналған түрлі құралдар ұсынып, мемлекеттік органдарға деген сенімді арттыруға және қызмет көрсету сапасын жақсартуға көмектеседі.
Азаматтардың өз құқықтарын қорғауға деген сенімі айтарлықтай артқаны маңызды көрсеткіш болып табылады. Бұл мемлекеттік қызметтерді көрсету бойынша келіп түскен өтініштер мен шағымдардың санынан байқалады. Мысалы, 2021 жылы департаментке 15 өтініш келіп түскен болса, 2024 жылы бұл көрсеткіш 68-ге дейін өскен. Өтініштердің санының өсуі азаматтардың құқықтарын қорғау жүйесіне және мемлекеттік органдардың жұмыс тиімділігіне деген сенімнің артуын көрсетеді.
Барлық өтініштер белгіленген тәртіп бойынша қаралып, азаматтардың құқықтары қалпына келтіріледі. Мемлекеттік қызметтерді көрсету сапасы мен азаматтардың құқықтарын қорғауды қамтамасыз ету үшін жоспарлы және жоспардан тыс тексерулер жүргізіледі. Бұл тексерулер өтініштерге жедел жауап беруге және қызмет көрсету барысында мүмкін болатын бұзушылықтарды анықтауға мүмкіндік береді.
Мемлекеттік қызметке шағым түскен жағдайда департамент қызметті ұсынушы мемлекеттік органда жоспардан тыс тексеру жүргізеді. Егер қызмет көрсетуші тарапынан бұзушылықтар анықталса, департамент азаматтардың құқықтарын қалпына келтіру үшін тиісті шаралар қабылдайды.
Мысал ретінде, азамат қаладағы емханаға бастапқы медициналық көмек көрсету ұйымына тіркелу қызметін алу үшін жүгінген, бірақ оған бұл қызмет көрсетілмеген. Азамат бұл жауаппен келіспей, департаментке шағымданды. Шағым негізінде департамент жоспардан тыс тексеру жүргізіп, азаматқа негізсіз бас тарту жасалғанын анықтады. Осыған байланысты департамент бұзушылықтарды жою үшін ұсыныс енгізді, нәтижесінде азаматтың құқықтары толық қалпына келтірілді.
Мемлекеттік қызметтер азаматтардың өмірінің барлық кезеңдерінде маңызды рөл атқарады, және олардың қолжетімділігі, сапасы мен ыңғайлылығы қоғамның әл-ауқатына тікелей әсер етеді. Әрбір азамат өз құқықтарын білуі және оларды қорғауға мүмкіндігі болуы тиіс, бұл мемлекеттік қызмет көрсету жүйесінің ашықтығы мен тиімділігін қамтамасыз етеді.
Тағы да
Мемлекеттік қызметке іріктеудің жаңа жүйесі арқылы орналасқан маманның пікірі
Мемлекеттік қызметке іріктеудің жаңа жүйесі арқылы орналасқан жас маманның пікірі
«Мемлекеттік қызметші — адал азамат» қатар жүретін ұғым