Департамент басшысы Айбек Шілмановтың төрағалығымен жиналыс өтті

Бүгін қала және аудан әкімі аппаратының басшыларымен, мемлекеттік органдардың персоналды басқару қызметінің басшылары және әдеп жөніндегі уәкілдермен «Өңірдегі мемлекеттік қызметтің барысы туралы» Департамент басшысы Айбек Шілмановтың төрағалығымен жиналыс өтті.  ✅Сонымен қатар, жиналысқа аудан әкімі аппараттарының мамандары видео-конференц байланысы арқылы қатысты.
Кездесу барысында өңірдегі мемлекеттік қызметтің жай-күйі және практика барысында кездесетін мәселелі сұрақтар талқыланды.
✅Бүгінгі күні облыста 3877 мемлекеттік қызметші жұмыс істейді, бос орындар саны – 148 бірлікті құрап отыр. Штаттың жасақталуы – 95,6%.
✅Сонымен бірге, мемлекеттік қызметтегі әйелдердің үлесі — 57,5%.
Мемлекеттік қызметшілердің мемлекеттік қызмет жүйесінен кету деңгейі 1,2%-ды құрады.
✅Мемлекеттік қызметшілердің 92,3%-ы жоғары білімге ие және мемлекеттік органдарда «Болашақ» бағдарламасының 5, Академияның 21 түлегі жұмыс жасайды.
Жастарды мемлекеттік қызметке тарту аясында былтыр өңірлік кадр резервіне 25 кандидат іріктелді және олардың 9-ы жоғары және тең лауазымдарға орналастырылды.
✅Сонымен қатар,   Президенттің тапсырмасына сәйкес қолданысқа енгізілген өзгерістерге сәйкес тағы заңнамада мемлекеттік тапсырыс негізінде оқуын GPA 3,33-тен төмен емес нәтижемен аяқтаған 43 түлектің құжаты қарастырылып, аудандық және ауылдық деңгейдегі төменгі лауазымдарға орналастырылды және Академияның 2 түлегі осы бағдарлама бойынша жоғары тұрған лауазымдарға тағайындалды.
✅Департамент тарапынан алынып жатырған шаралардың нәтижесінде мемлекеттік органдардағы бос орындардың саны 2 есеге дейін қысқарып, 57 бірлікті құрап отыр.