Облыс әкімі Раукен Отыншинді 63 жас мерейтойымен құттықтады

Бүгін Ералы Тоғжанов «Ақтөде Медиа» ЖШС директоры, Қазақстан Журналистер одағы облыстық ұйымының төрағасы  Раукен Отыншинді 63 жас мерейтойымен құттықтады.

Өңір басшысы белгілі журналистке ақжарма тілегін білдіріп, оның 30 жылдан аса уақыт ақпарат саласындағы еңбегін атап өтті.

«Өзіңізді ақпарат саласында абыройлы қызмет етіп келе жатқан белгілі журналист, телевизия саласының білікті маманы, мықты медиа менеджері ретінде танимын. Баспа саласында, телекомитетте және газеттерде басшылық қызметтерде өзіңіздің ұйымдастырушылық, іскерлік қабілеттеріңізді кеңінен көрсетіп, көптеген жаңашыл істердің ұйытқысы болдыңыз», – деген облыс әкімі мерейтой иесінің иығына шапан жапты.

Өз кезегінде Раукен Отыншин БАҚ саласындағы алғашқы қызмет атқарған шақтарын еске алып, естеліктерімен бөлісті, облыс әкіміне сый-құрметі үшін ризашылығын білдірді.

Р.Отыншин – Қазақстан Республикасының мәдениет қайраткері, білім саласының үздігі, «Құрмет» ордені мен бірнеше медальдардің иегері.

А.МӘЛІКҚЫЗЫ