Құрметті қала тұрғындары мен қонақтары!
Алдағы 10 қазан күні сағат 11.00-ден 12.00-ге дейін «Қазпошта» АҚ облыстық филиалында «Баспасөзге жазылушылар күні» өтеді. Барлық тілек білдірушілерді осы шараға қатысуға шақырамыз.
Қалаған газет-журналдарыңызға жазылуды рәсімдеу кезінде, шара өтуі барысында ақтөбеліктер мен қала қонақтарына естелік сыйлықтар тапсырылады.
Сондай-ақ жедел ұтылыссыз лотерея ойыны өткізіледі. Музыкалық бағдарлама, дәм тату және көптеген сыйлықтар күздің осы бір қоңырқай күндерінде оқырмандардың көңіл күйін көтеретіні анық.
«Баспасөзге жазылушылар күнін» өткізу акциясына мерекелік шараны ұйымдастырушылар «Қазпошта» АҚ облыстық филиалы және «Ақтөбе Медиа» ЖШС қатысады. «Ақтөбе» және «Актюбинский вестник» газеттері мен «Үштаған» журналының ең байырғы және тұрақты оқырмандары сыйлықтармен марапатталады.
Келіңіздер, көріңіздер, өздеріңіз қалаған басылымдарға жазылып, жыл бойы жақсы жаңалықтардың куәгері болыңыздар!
Акцияны өткізу орны: Ақтөбе қаласы, Әбілқайыр хан даңғылы, 62 (Қазпошта үйі).
Тағы да
Алматылық көлік жүргізуші өңір басшысымен бірге жолдағы жағдайды бағамдады
ҒАСЫРЛЫҚ ТОЙ ЖӘНЕ БАСПАНА
Ғасырлық той және баспана мәселесі